राग आमच्या मनीचा, गाणे तुमच्या मनीचे

राग आमच्या मनीचा, गाणे तुमच्या मनीचे

🔻 तृप्ती लोणकर

राग आमच्या मनीचा

गीत तुमच्या आवडीचे..

मैफल गटाचा हा मराठी केंद्रित सांगीतिक उपक्रम. या उपक्रमांतर्गत आम्ही तुम्हाला एका रागाची  माहिती देऊ, ती वाचून तुम्ही त्या रागाचे एकच मराठी गाणे पोस्ट करायचे.ते नसेल तर बंदिश अथवा चीज तुम्ही टंकित करून पोस्ट करा.   आॅडीओ असेल तर पोस्ट करा.

 

तर मग तयार आहात ना?  

 

आजचा राग   "भूप"

 

आरोह.   सा रे ग प ध सा

अवरोह.   सा ध प ग रे सा

हा राग कल्याण थाटातील आहे. त्याचे सर्व स्वर शुद्ध आहेत.

वादी स्वर. गंधार (ग)आहे.

संवादीस्वर धैवत (ध ) आहे

हा राग.   रात्रीच्या प्रथम प्रहरी गायला जातो.

 

वरील माहिती वाचा आणि त्यावर आधारित गाण्याची एकच  क्लिप पोस्ट  करा...

 

🔻विद्याधर शुक्ल

 

"घनश्याम सुंदरा श्रीधरा" ही शाहीर होनाजी बाळा यांची खरोखरीच अमर भूपाळी    त्याच नावाच्या चित्रपटात   आहे . पंडितराव नगरकर आणि लता मंगेशकर यांच्या आवाजात . संगीताचा साज   वसंत देसाई  यानी चढवला आहे.

 

🔻प्रीती कामत

 

'धुंद मधुमती रात रे नाथ रे' ह्या किचकवध चित्रपटातील सुमधुर गाण्याची चाल मा. कृष्णरावांनी भूप रागावर बांधली आहे. गीतकार: ग. दि. माडगुळकर, गायिका: लता मंगेशकर

 

🔻  सुधांशुनूलकर

भूप राग म्हटला की पहिलं गाणं माझ्या मनात चटकन येतं, ते म्हणजे 'माझे जीवन गाणे' आणि पं. अभिषेकीबुवांचा आवाजातलं हे गीत मनात आपोआपच रुंजी घालतं.

या गाण्याची ऑडिओ क्लिप मात्र माझ्याकडे नाही.

 

🔻 तृप्ती लोणकर

 

भूप रागात

गंधार.    वादी

धैवत.    संवादी आहे

       ग प ग रे  सा रे ध सा ग-ग रे        ग पध

या ओळीत ग चा वापर जास्त वेळा झाला आहे.कारण ग हा वादी म्हणजे मुख्य स्वर आहे.भूपाचा राग विस्तार करताना शुद्ध गंधार वापरतात.

            तर ध म्हणजे धैवत हा स्वर ग च्या तुलनेत कमी वेळा आला  म्हणजे साधारण सहा स्वरांचे नंतर आला आहे.ध हा हेखील राग विस्तारात महत्वाचा आहे.पण तो ग इतका मोठा नाही

ग ध या दोन स्वरांनी रागाचे अंग प्रकट होते. म्हणून भूपात ग सरळ लावतात तर ध वर थोडी मिंड येते